كان اغلى حاجة ليا للمتالقة نوره محمد حسن 💜
كان أغلى حاجة ليا
كان م السما اجمل هدية
كان فرحة قلبي وعنيا
بيه ملكت الدنيا ديه
جددت شبابي انا بيه
واحلوت ايامي ع ايديه
سكن القلب وعاش فيه
ولا عمري غبت عن عنيه
ان كان قريب او عني بعيد
شوقي له على طول بيزيد
انام واصحى بفكر فيه
ذهني سواه دايما شريد
بيحب غيرتي ويتمناني
منمش الا على صدره وليد
عمري ما اتصور فيوم يسبني
الروح ساعتها راح تفارقني
ومين هيشيل عني همي
ولجنوني راح يشاركني
يسمع غنايا بنبض قلبي
وباشعاره يساهرني
الدمعة في بعده مش هتجف
وجرح قلبي مش هيخف
والعين بعده راح تعف
وابات مع ليلي ننادي الاسم
وارسم صورته وابوس الرسم
فاهدى يا قلبي وعيش الحلم
دا بكرة على باب قلبك هيدق
هيحنلك وعليك هيرق
ويجتاز الصعب ولطريقك هيشق
وترجع تاني .. تخطف ثواني
تدوق الهنا وتطفي نار البعد
وتعيش ليلة بالف ليلة
تنسى فيها مرار السهد
...............................
كان أغلى حاجة ليا
شذى الحرف 💞
...............................
تعليقات
إرسال تعليق