تعبت يا ناس للمبدع فتحي ندا
((( 💔 تعبت ياناس 💔 )))
*********************
تعبت ياناس .....
لاعاد فيا خلاص حيل
وفاض بيا كمان الكيل
مانا قدمت كل جميل
ولا يوم شوفت رد جميل
..............
تعبت ياناس ......
لا عاد عندى حد له خاطر
وتنسوا اني أقول حاضر
وحبي خلاص صبح فاتر
بقيت قلبي خلاص جامد
........... ..
تعبت ياناس .......
لا عاوز منكو أى سؤال
ولا بيني وبينكو أي مجال
واى رجوع مابنا محال
خلاص همشى ومش راجع
................
تعبت ياناس ........
أنا اتحملت منكو كتير
لا شوفت منكم أى تقدير
ومش باين ليكم تغيير
ويوم ورا يوم تيجو عليا
.................
تعبت ياناس .........
لا عاد قلبي منكو سعيد
صبح قاسي كمان وعنيد
ونبضه وجع مليان تنهيد
وراحة بالى منسية
...............
تعبت ياناس ........
رضاكم كان في يوم أمنيه
وكنتم حبكم غالى علي
لقيتكم فى أرض مش ارضي
بنيتها لغيري مش ليا
................
تعبت ياناس .......
هاعلم روحي يوم تقسى
وللذكرى أنا هانسى
وهاعمل اني مش ناسي
بجمله تعبي وسنينى في عينى
كلام كبير وتنهيدة تهد الحيل
................
تعبت ياناس .........
هاغير نفسي وظروفي
وهانسى الماضي بقساوته
وهازرع بس معروفي
في قلوب بالحب مروية
.................
تعبت ياناس
=====================
بقلم // Fathy Nada Port Said
تعليقات
إرسال تعليق