الفرق اللي بيننا للمبدع ابو معاذ
🌾 الفرق إللي بيننا 🌾
عايزه تعرفي الفرق
إللي بينك وبيني
هاقولك عليه......
بس إسمعيه .. بس إفهميه
حبيتك بقلبي الكبير
وحبك مابخلتش عليه
بس حلمي كان صغير
مارضيتيش انتي بيه
حلمت ببيت صغير يضمنا
نكمل فيه مشوارنا وحلمنا
يبقى جنه منورها حبنا
كان حلمي بيت صغير
ممكن ابنيه
اما انتي.....
كان حلمك خيالي
ماقدرتش عليه
حلمتي بقصر عالي
ماقدرتش ابنيه
وقلتي دا مهري
للي يقدر عليه
عشان كدا إحنا افترقنا
إنتي حلمك في السما عالي
وأنا حلمي بسيط شايفه بعيني
ودا الفرق إللي بينك وبيني
بقلمي/ ابومعاذ
تعليقات
إرسال تعليق