اختي الكبيرة للشاعر المبدع احمد محمود
اختي الكبيره
تبقي امي التانيه
ولية لا
ماهيا اللي مربياني
من يوم ماوعيت
علي الدنيا
وانا قد كده
هيا اللي
مأكلاني ومشرباني
ومحمياني وملبساني
والله بتكلم جد
هيا وامي
غلاوتهم واحده
هما الاتنين
بس كده كتير عليا
والله كتير عليا
ادفن امي مرتين
طيب لما اكون
زعلان ومخنوق
هاروح لمين تاني
ياحضناني وضماني
ومطبطبه عليا
يامهونه الدنيا عليا
بموتك ياغاليه
وجعتي قلبي
وهديتي كياني
امانه ياتراب القبر
دي الغالية جيالك
خليك حنين عليها قوي
ومنها خد بالك
وامانة عليكي ياغاليه
تبلغي امي السلام
والدنيا من بعدكم
بقت عليها السلام
وعرفيها
اني بقيت يتيم
وبقيت وحيد
وماليش حبيب تاني
والعين تبكي عليكي
دم كل
عام وري التاني
ابنك وحبيبك
احمد محمود
تعليقات
إرسال تعليق