وايه يعني للشاعر الهمام جمال المصري
و ايه يعني
و ايه يعني
اما نبقى جيران
و نتونس كمان مع بعض
و اند هلك و تندهلي
و أهمسلك و تهمسلي
و نتساهر و نتسامر
و نحكي سرنا و نبوح
و ايه يعني
تجمعنا ليالي القرب
نشبع م الهوى و الحب
نعيش كام ليلة فحياتنا
تنورها شموع السعد
و تضوي في سماها نجوم
اقطفها
و اجيبهالك هنا ع الارض
و ايه يعني
تنام الدنيا و اسهرلك
و اشيلك
في العيون و القلب
و امسح دمعه عن عينك
سببها
جرح كان في القلب
انسيك الجراح...
ترتاح
خدودك على صدري
تدور كفى عل شعرك
تشيل عنك
هموم العمر
و ايه يعنى
غرامنا يدوم
يملى علينا
حبيبي الكون
نعيش نحلم
بكرة يحضنا
ويملا بالهوى حياتنا
ده انا لحبك
خلاص ارتحت
و قلبي حبيبي
ليك سلمت
طب ايه يعني؟؟
جمال المصري
تعليقات
إرسال تعليق