لعبة الحزن للشاعر المبدع المحمودي
لعبة الحزن
حزنت:............
لما الوجع أصبح رصيف
لما الضمير
اصبح يساوي كم رغيف
لما الشهود غموا العيون
فرحانين يرموا الحقيقة
ف بير عميق..........
..................
حزنت:
لما الكتابة أضحت كآبة
والكتاب مرمي فوق الرصيف
لما دار الكتب تصبح نوادي
والمكتبات تصبح لبيع الأحذية
ومقطع كتابك زي المقاس
منه صغير..... منه كبير
.............
حزنت:
لما الزحام يغزو العقول
لما الضجيج يملا الضلوع
والفكرة تبات متعنكبه
متسمرة فوق الحيطان
قدمت خلاص فات الأوان
............
حزنت:......
لما القضية ف محكمة
تصبح زي البلية في الزمن
لما الكفن يصبح وطن
والقدس تصبح مظلمة
مصمص شفايفك يا أنا
عاجز وعكازي الشجن
.................
المحمودي
تعليقات
إرسال تعليق